På Smørstabb-breen på Sognefjellet i Jotunheimen ligg der mange fine toppar med artige namn etter dyr og  kjøkkenestikk som; kalven, geita, kniven, saksa, skeie osv. Du startar frå Krossbu på ca 1250 moh. og legg vegen innover breen for å oppsøkja toppane, som er over 2000 m. Dette er ein platåbre med slake flater oppå med lite sprekker, men oppsprukke brefall som Bøverbreen der det er bratt nedover.
Området er fint til skiturar når Sognefjellsvegen er opna i slutten av april. Utover Vår/sommar kjem breen meir fram og dermed også farlege sprekker. Vurder allitd behov for breutstyr. Snakk med Krossbu turisthytte før du går på tur.

Bildet viser toppen av Storebjørn sin karakteristiske "bjørneprofil", hovudet til ein bjørn med øyrer som stikk ut. Den siste bakken er 300 høgdemeter på brat snødekt breplate. i øvre del kjem det fram ei stor sprekk utover sommaren. Då treng ein tau for å komma til toppen. På bildet ser du 4 personar og ein hund på veg mot toppen.

 

 

Du tek av frå kvisteløypa og set kursen austover på Leirbreen. Du får då fine toppar på venstre hand med Store Smørstabbtind, Kniven og Sokse. Alle toppane som omkransar breen er over 2000 m.

For å komma til Storebjørn frå Leirbreen, må du passera Bjørneskaret som ligg på 2020 moh mellom toppane Bjørnungen og Sokse. Skaret er ca 150 m breitt og ligg mellom Bjørnungen og Sokse. Du må ned ein bakke på ca 100 høgdemeter til 1920 moh. Her kan det vera høg skavl inn mot Bjørnungen, så du må ha sikt eller vera kjend for å gå ned. Frå Krossbu brukar du 2 timar på dei 6 km hit. Du brukar så 1 time vidare til toppen. Frå botnen av skardet får du ein kort flate bortover til starten av den bratte stiginga til toppen av Storebjørn. På bildet ventar me nede i skaret for at skodda skal letta.


På veg oppover mot Storebjørn kjem me over skodda og Veslebjørn, Skeie og Kalven kjem fram bak oss.



Så skimtar me høgre øyre av bjørnen og fortoppen gjennom skodda på veg i den bratte bakken mot toppen.



Det er eit litt slakare parti før ein får den siste bratte kneiken. Vanlegvis kan du gå på ski heilt opp til topps.



Ein glad og sprek gjeng i Statoil si turgruppe på toppen av Storebjørn  2222 moh. med storslått utsikt over breen og toppar i alle retningar. Bakerst i skodda Hurrungane og til høgre Fanaråken.

 

 

 Ein liten skavl ned på austsida av Geiti. Her er det baksolt og hardt . Det er lettare å gå gjennom skardet mellom Geiti og Kniven.

Tiurleik 28.4.09. Det er no høneveka og stor aktivitet på leiken. Masse tiur og røy i sentrum av leiken og fleire parringar frå kl 5-9 på morgonen. Alt skjer berre 15-20 m frå kamuflasjeteltet. Sjå video frå parring og slåssing her.

 

 

 

 

 

 

 

 

 

 

 

 

Påskeferie på Nerskogen ved Oppdal.  Området ligg i det kjente fjellområdet Trollheimen. Her er mange  kjente fjelltoppar, rutenett og turhytter i regi av Tronheim Turistforening.

 

 

 

 

 

 

 

 

 

 

 

 

 

 

 

 

Ung kongeørn er skada og må ha litt hjelp